iikoDash
Bosh sahifa

Maxfiylik siyosati

Oxirgi yangilanish: 2026-yil 14-noyabr

Ushbu siyosat iikoDash mobil ilovasi (Android va iOS) hamda https://iikodash.amusoft.uz saytiga tegishli. Unda qanday ma'lumotlarni to'plashimiz, ulardan nima uchun foydalanishimiz va sizning huquqlaringiz tushuntirilgan. iikoDash'dan foydalanish orqali siz ushbu siyosatga rozilik bildirasiz.

Biz kimmiz

iikoDash — iiko tizimida ishlaydigan restoranlar egalari va menejerlari uchun hisobotlar xizmati. Xizmat operatori — Amusoft (O'zbekiston). Ma'lumotlar O'zbekiston Respublikasining «Shaxsga doir ma'lumotlar to'g'risida»gi Qonuniga muvofiq qayta ishlanadi.

Qanday ma'lumotlarni to'playmiz

Faqat xizmat ishlashi uchun kerak bo'lgan ma'lumotlarni to'playmiz:

  • Hisob ma'lumotlari: ism, telefon raqam, restoran (kompaniya) nomi, tanlangan til va parol. Parol faqat xesh ko'rinishida saqlanadi — uni biz ham ko'ra olmaymiz.
  • iiko ulanishi: iiko server manzili, login va parol. Parol shifrlangan holda saqlanadi va faqat hisobotlarni o'qish uchun ishlatiladi.
  • iiko'dan olinadigan biznes ma'lumotlari: savdo, cheklar, taomlar, to'lov turlari, filiallar, sklad qoldiqlari va harakatlari, zallar va oshxonalar bo'yicha savdo, ofitsiantlar reytingi uchun xodimlarning iiko'dagi ismlari hamda mijozlar tahlili uchun mehmon kartasi raqami va egasining ismi (iiko'da yuritilsa).
  • Qurilma ma'lumotlari: bildirishnoma (push) tokeni, platforma (Android yoki iOS), qurilma nomi va ilova versiyasi.
  • Texnik ma'lumotlar: IP-manzil, so'rov vaqti va xatoliklar jurnali — xavfsizlik va nosozliklarni tuzatish uchun.
  • To'lovlar: hisob-fakturalar, summa va to'lov holati. Bank kartasi ma'lumotlarini biz olmaymiz va saqlamaymiz — to'lov Click tizimi sahifasida amalga oshiriladi.
  • Saytdagi ariza: ism, telefon raqam, restoran nomi, filiallar soni, izoh hamda IP-manzil, brauzer turi va reklama belgisi (utm).

Nimalarni to'plamaymiz

Ilova joylashuv (geolokatsiya), kontaktlar, kamera, mikrofon, rasm va fayllaringizga murojaat qilmaydi. Ilovada reklama va reklama identifikatorlari yo'q, uchinchi tomon analitika vositalari ishlatilmaydi. Ma'lumotlaringizni sotmaymiz.

Ma'lumotlardan qanday foydalanamiz

  • Hisobingizni yaratish, sizni tanish va tizimga kiritish (shu jumladan SMS-kod orqali tasdiqlash).
  • iiko tizimingizdan hisobotlarni olib, ilovada ko'rsatish.
  • Bildirishnomalar yuborish: kunlik xulosa, obuna va to'lov haqidagi eslatmalar.
  • Obuna va to'lovlarni yuritish.
  • Yordam ko'rsatish, xavfsizlikni ta'minlash va xatoliklarni tuzatish.
  • Saytda qoldirilgan ariza bo'yicha siz bilan bog'lanish.

Ma'lumotlar kimga uzatiladi

Ma'lumotlar faqat xizmat ishlashi uchun zarur bo'lgan hajmda quyidagi xizmatlarga uzatiladi:

  • Google Firebase Cloud Messaging — bildirishnomalarni qurilmangizga yetkazish uchun (push tokeni va xabar matni).
  • SMS-provayder — tasdiqlash kodi va eslatmalarni yuborish uchun (telefon raqam va xabar matni).
  • Click — to'lovni qabul qilish uchun (hisob raqami va summa).
  • Hosting-provayder — serverlarimiz joylashgan ma'lumotlar markazi.
  • AI tahlil xizmati (Anthropic) — tavsiyalar tayyorlash uchun umumlashtirilgan savdo ko'rsatkichlari (taom, zal va oshxona nomlari bilan). Mehmonlar va xodimlarning ismi, karta raqamlari yuborilmaydi.
  • Telegram — saytdagi arizalar xodimlarimizga Telegram orqali yetkaziladi.
  • Davlat organlari — faqat qonunda belgilangan hollarda va tartibda.

Saqlash va himoya

Ilova va server o'rtasidagi aloqa shifrlangan (HTTPS). Parollar xeshlanadi, iiko paroli shifrlangan holda saqlanadi. Har bir mijozning ma'lumotlari boshqalarnikidan ajratilgan, menejer esa faqat o'ziga biriktirilgan filiallarni ko'radi. Kirish tokeni qurilmangizning himoyalangan xotirasida saqlanadi.

iikoDash iiko tizimingizdagi ma'lumotlarni faqat o'qiydi va ularni o'zgartirmaydi.

Qancha vaqt saqlanadi

Ma'lumotlar hisobingiz mavjud bo'lgan davrda saqlanadi. Hisob o'chirilgach, ular 30 kun ichida o'chiriladi. To'lov hujjatlari buxgalteriya va soliq qonunchiligi talab qilgan muddat davomida saqlanishi mumkin. Saytdagi arizalar murojaat ko'rib chiqilgach, 12 oygacha saqlanadi.

Sizning huquqlaringiz

  • O'zingiz haqingizdagi ma'lumotlar bilan tanishish va ularning nusxasini so'rash.
  • Noto'g'ri ma'lumotlarni tuzatishni so'rash.
  • Ma'lumotlarni o'chirishni va qayta ishlashni to'xtatishni talab qilish.
  • Bildirishnomalarni qurilma sozlamalarida o'chirish.
  • Profil bo'limida barcha qurilmalardan chiqish.

Hisobni va ma'lumotlarni o'chirish

Hisobingizni o'chirish uchun quyidagi aloqa manzillaridan biriga hisobingiz ro'yxatdan o'tgan telefon raqamni ko'rsatib yozing. Murojaatni tasdiqlaganimizdan so'ng 30 kun ichida hisob, iiko ulanishi (login va parol), yuklangan barcha hisobot ma'lumotlari, xodimlar hisoblari va qurilma tokenlari o'chiriladi.

Faqat qonun talab qilgan to'lov hujjatlari belgilangan muddatgacha saqlanib qoladi. Xodim (menejer) hisobini restoran egasi ilovaning «Xodimlar» bo'limida o'zi o'chirishi mumkin.

Bolalar

iikoDash biznes uchun mo'ljallangan va 18 yoshga to'lmagan shaxslarga yo'naltirilmagan. Biz bolalarning ma'lumotlarini ataylab to'plamaymiz.

Siyosatdagi o'zgarishlar

Siyosat yangilanishi mumkin. Yangi tahrir shu sahifada e'lon qilinadi va sanasi yuqorida ko'rsatiladi. Muhim o'zgarishlar haqida ilova yoki SMS orqali xabar beramiz.

Aloqa

Amusoft — Maxfiylik bo'yicha savollar va hisobni o'chirish so'rovlari uchun:

Telegram @bekmurod3388